డైలీ మిర్రర్ డాట్. న్యూస్, మార్చి 17, 2025: కీళ్ల నొప్పులు, ఆర్థరైటిస్, గాయాలు వంటి సమస్యలతో బాధపడుతున్న రోగులకు శస్త్రచికిత్స అవసరం లేకుండా పరిష్కారం అందించేందుకు అపోలో హాస్పిటల్స్ ఓ విప్లవాత్మక కార్యక్రమాన్ని ప్రారంభించింది. జూబ్లీహిల్స్ అపోలో హాస్పిటల్స్‌లో మార్చి 17న ఘనంగా జరిగిన ఈ కార్యక్రమానికి ప్రముఖ వైద్య నిపుణులు, పరిశోధకులు హాజరయ్యారు.

శస్త్రచికిత్స లేకుండానే కీళ్ల నొప్పుల నివారణ..

కీళ్ల నొప్పులతో బాధపడే రోగులకు శస్త్రచికిత్స లేకుండా సమర్థవంతమైన చికిత్సను అందించేందుకు రూపొందించిన ఈ జాయింట్ ప్రిజర్వేషన్ ప్రోగ్రామ్ కీళ్ల పనితీరును మెరుగుపరిచేలా రూపొందించబడింది. దీని ద్వారా రోగులకు నొప్పి తగ్గించడమే కాకుండా, వారి జీవనశైలిని మెరుగుపరచే అవకాశాన్ని కల్పిస్తుంది.

ప్రతి వయస్సు వారికీ ఉపయోగకరం..

కార్యక్రమాన్ని ప్రారంభించిన అపోలో హాస్పిటల్స్ జాయింట్ మేనేజింగ్ డైరెక్టర్ డాక్టర్ సంగీత రెడ్డి మాట్లాడుతూ,”ఈ ప్రోగ్రామ్ కీళ్ల నొప్పులతో బాధపడే అన్ని వయస్సుల వ్యక్తులకు ప్రయోజనం కలిగించేందుకు రూపొందించాం. టైలర్డ్ అడ్వైజ్, ట్రీట్మెంట్, థెరఫీ, రీహాబిలిటేషన్, పోషకాహారం వంటి ‘3 Ts’ కన్సెప్ట్ ద్వారా సమగ్ర చికిత్స అందించడానికి మేము కృషి చేస్తున్నాం. దీని ద్వారా రోగులు నొప్పులను తగ్గించుకొని ఆరోగ్యకరమైన జీవనాన్ని కొనసాగించగలరు” అని తెలిపారు.

ఆధునిక చికిత్సా విధానాలు..

డాక్టర్ కె. జె. రెడ్డి, చీఫ్ జాయింట్ రీప్లేస్‌మెంట్ & ఆర్థ్రోస్కోపిక్ సర్జన్, అపోలో హాస్పిటల్స్ మాట్లాడుతూ,”ఈ ప్రోగ్రామ్‌లో అధునాతన ఆర్థ్రోస్కోపిక్ చికిత్సలు వినియోగించి, పూర్తిగా కీలు మార్చాల్సిన అవసరం లేకుండా రోగులకు ఉపశమనం కలిగించేలా రూపొందించాం. దీని ద్వారా రోగులు మళ్లీ క్రియాశీలక జీవనానికి మరింత వేగంగా తిరిగి రావచ్చు” అని వివరించారు.

సంపూర్ణ చికిత్స..

డాక్టర్ రవితేజ రుద్రరాజు, కన్సల్టెంట్ – ఆర్థ్రోస్కోపీ & స్పోర్ట్స్ మెడిసిన్ మాట్లాడుతూ,
“ఈ ప్రోగ్రామ్ అత్యాధునిక రిజెనరేటివ్ మెడిసిన్ టెక్నిక్స్‌తో పాటు రీహాబిలిటేషన్, పోషకాహార చికిత్సలను మిళితం చేసి సమగ్ర ఆరోగ్య సంరక్షణను అందిస్తుంది. దీని వల్ల కీళ్ల నొప్పుల బాధితులు దీర్ఘకాలిక నొప్పుల నుంచి ఉపశమనం పొందవచ్చు” అని వివరించారు.

జాయింట్ ప్రిజర్వేషన్ ప్రోగ్రామ్ ప్రత్యేకతలు
🔹 ప్లేట్‌లెట్-రిచ్ ప్లాస్మా (PRP) చికిత్స
🔹 స్టెమ్ సెల్ ఆధారిత పునరుత్పత్తి చికిత్సలు
🔹 అధునాతన ఆర్థోబయోలాజిక్ థెరపీ

ఈ ప్రారంభోత్సవ కార్యక్రమంలో డాక్టర్ సంగీత రెడ్డి (జాయింట్ మేనేజింగ్ డైరెక్టర్, అపోలో హాస్పిటల్స్), డాక్టర్ బ్రెట్ ఫ్రిట్ష్ (ఆర్థోపెడిక్ సర్జన్, సిడ్నీ రాయల్ ప్రిన్స్ ఆల్ఫ్రెడ్ హాస్పిటల్), తేజస్వి రావు (సీఈఓ, అపోలో హాస్పిటల్స్, జూబ్లీహిల్స్), డాక్టర్ కె. జె. రెడ్డి, డాక్టర్ రవితేజ రుద్రరాజు, డాక్టర్ కౌశిక్ రెడ్డి, డాక్టర్ ప్రశాంత్ మేష్రామ్, డాక్టర్ వరుణ్ కొమ్మలపాటి తదితరులు పాల్గొన్నారు.

కీళ్ల నొప్పులతో బాధపడే లక్షలాది మంది రోగులకు సుస్థిరమైన పరిష్కారాన్ని అందించేందుకు అపోలో హాస్పిటల్స్ ఈ జాయింట్ ప్రిజర్వేషన్ ప్రోగ్రామ్‌ను అందుబాటులోకి తీసుకువచ్చింది. ఈ కొత్త చికిత్సా విధానం ద్వారా కీళ్ల సమస్యలను సమర్థవంతంగా ఎదుర్కొనే అవకాశం లభించనుంది. apollohospitals.com