editor daily mirror
డైలీ మిర్రర్ డాట్ న్యూస్, హైదరాబాద్, 10 నవంబర్ 2024:ఎందరో ఆసక్తిగా ఎదురుచూస్తున్న ‘ఫ్రీడమ్ ఎట్ మిడ్‌నైట్’ ట్రైలర్ విడుదలైంది! స్టూడియో నెక్స్ట్‌తో కలిసి ఎమ్మే ఎంటర్‌టైన్‌మెంట్ (మోనిషా అద్వానీ & మధు భోజ్వానీ) నిర్మించిన ఈ వెబ్ సిరీస్‌కి నిఖిల్ అద్వానీ షోరన్నర్ మరియు దర్శకుడిగా ఉన్నారు. ఈ ప్రాజెక్ట్‌కి కథను అభినందన్ గుప్తా, అద్వితీయ కరేంగ్ దాస్, గుందీప్ కౌర్, దివ్య నిధి శర్మ, రేవంత్ సారాభాయ్, ఏతాన్ టేలర్ వంటి ప్రతిభావంతుల బృందం అందించింది.
ప్రముఖ రచయితలు లారీ కాలిన్స్ మరియు డొమినిక్ లాపియర్ రాసిన పుస్తకం ఆధారంగా రూపొందించిన ఈ సిరీస్ భారతదేశ స్వాతంత్ర్య పోరాటంలో చరిత్రలో చోటు చేసుకున్న ముఖ్య ఘట్టాలను లోతుగా పరిశోధిస్తుంది.
ఈ సిరీస్‌లో సిధాంత్ గుప్తా జవహర్‌లాల్ నెహ్రూ పాత్రలో, చిరాగ్ వోహ్రా మహాత్మా గాంధీగా, రాజేంద్ర చావ్లా సర్దార్ వల్లభాయ్ పటేల్‌గా, ఆరిఫ్ జకారియా ముహమ్మద్ అలీ జిన్నాగా, ఇరా దూబే ఫాతిమా జిన్నాగా, మలిష్కా మెండోన్సా సరోజినీ నాయుడు పాత్రలో నటించారు.
ఇతర ప్రధాన పాత్రల్లో అలీఖాన్, కె.సి.శంకర్, లార్డ్ లూయిస్ మౌంట్‌బాటెన్‌గా ల్యూక్ మెక్‌గిబ్నీ, లేడీ ఎడ్వినా మౌంట్‌బాటెన్‌గా కార్డెలియా బుగేజా, ఆర్కిబాల్డ్ వేవెల్‌గా అలిస్టర్ ఫిన్లే, క్లెమెంట్ అట్లీగా ఆండ్రూ కల్లమ్, సిరిల్ రాడ్‌క్లిఫ్‌గా రిచర్డ్ టెవర్సన్ కనిపించనున్నారు.
ఇప్పటివరకు మునుపెన్నడూ చూడని రీతిలో చరిత్రను ఆవిష్కరించడానికి సిద్ధమవుతున్న ‘ఫ్రీడమ్ ఎట్ మిడ్‌నైట్’ నవంబర్ 15 నుండి సోనీ LIVలో ప్రసారం కానుంది.
ట్రైలర్ లింక్: https://youtu.be/Pc3Qhwoi8-Y
