డైలీమిర్రర్ డాట్. న్యూస్, మార్చి21, 2025: మలయాళ సూపర్‌స్టార్, కంప్లీట్ యాక్టర్ మోహన్‌లాల్ ప్రధాన పాత్రలో నటించిన భారీ చిత్రం ‘L2E: ఎంపురాన్’ ట్రైలర్ విడుదలైంది. పృథ్వీరాజ్ సుకుమారన్ దర్శకత్వంలో తెరకెక్కిన ఈ చిత్రం 2019లో ఘన విజయం సాధించిన ‘లూసిఫర్’Continuationగా రాబోతోంది.

‘‘నా బిడ్డలు కారు నన్ను ఫాలో అయితే.. నన్ను ఫాలో అయినవాళ్లే నా బిడ్డలు’’
‘‘పి.కె. రాందాస్‌గారు మిగిల్చిన ఈ యుద్ధంలో నా ముందు నిలబడి ఎదురైన శత్రువులు కాదు’’
‘‘మన దేశంలో రాజనీతి ఓ వ్యాపారం’’
‘‘మనుషుల ప్రాణాల కంటే ఓ రక్త సంబంధానికైనా విలువ ఉంటుందనే నమ్మకం నాకు లేదు’’
‘‘స్టీఫెన్ ఎక్కడ?’’
‘‘అతని కళ్లు అన్నింటినీ చూస్తున్నాయి’’.

Read this also…The Devil Returns: Mohanlal and Prithviraj Sukumaran’s L2E: Empuraan Theatrical Trailer Unveiled!

Read this also…IIIT Hyderabad Celebrates FC Kohli Day with AI & Healthcare Talk and Inauguration of CDiTH

ఈ హైఇంటెన్స్ డైలాగ్స్‌తో ట్రైలర్ ఆకట్టుకుంటోంది. స్టీఫెన్ నెడుంపల్లి పాత్రలో మోహన్‌లాల్ మరోసారి తన అద్భుతమైన నటనను ప్రదర్శించనున్నారు.

ట్రైలర్ చూస్తుంటే ‘L2E: ఎంపురాన్’ సినిమాలో రాజకీయ వ్యూహాలు, పన్నాగాలు, మాస్ ఎలిమెంట్స్ అన్నీ నింపి అద్భుతమైన సినిమా అనుభూతిని అందించబోతున్నట్లు స్పష్టమవుతోంది. కొత్త పాత్రల పరిచయం, కథానాయకుడి పోరాటం, శత్రువుల వ్యూహాల మధ్య నడిచే హై ఓల్టేజ్ కథనంతో ఈ చిత్రం ప్రేక్షకులను కట్టిపడేయడం ఖాయంగా కనిపిస్తోంది.

Read this also…72nd Miss World Festival to be Hosted in Telangana, Uniting 140 Nations

Read this also…TCS and Air New Zealand Join Forces for AI-Led Transformation and Enhanced Passenger Experience

ఈ సీక్వెల్ ట్రైలర్ విడుదలైన తర్వాత అభిమానుల్లో ఆసక్తి మరో స్థాయికి చేరుకుంది. ముఖ్యంగా మలయాళ చిత్రసీమ చరిత్రలో తొలిసారిగా ఐమ్యాక్స్ వెర్షన్‌లో ట్రైలర్ విడుదల చేయడం విశేషం.

ఈ చిత్రంలో మోహన్‌లాల్‌తో పాటు పృథ్వీరాజ్ సుకుమారన్, టోవినో థామస్, గేమ్ ఆఫ్ థ్రోన్స్ ఫేమ్ జెరోమ్ ఫ్లిన్, అభిమన్యు సింగ్, మంజు వారియర్, సూరజ్ వెంజరమూడు, సాయికుమార్ తదితరులు నటిస్తున్నారు. ప్రముఖ హాలీవుడ్ నటుడు జెరోమ్ ఫ్లిన్ ఈ సినిమాతో ఇండియన్ ఇండస్ట్రీలో అడుగుపెడుతున్నాడు.

▶ ట్రైలర్ లింక్: https://www.youtube.com/watch?v=7lUeZ6JwkjA

ఆశీర్వాద్ సినిమాస్, శ్రీ గోకులం మూవీస్ బ్యానర్లపై ఆంటోనీ పెరుంబవూర్, గోకులం గోపాలన్ భారీ స్థాయిలో నిర్మించిన ఈ చిత్రాన్ని తెలుగులో ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్‌పై విడుదల చేస్తున్నారు. హిందీలో అనీల్ తడానీ, కర్ణాటకలో హోంబలే ఫిల్మ్స్, తమిళనాడులో శ్రీ గోకులం మూవీస్ ఈ సినిమాను రిలీజ్ చేస్తున్నాయి.

మలయాళంతో పాటు తెలుగు, హిందీ, తమిళం, కన్నడ భాషల్లో మార్చి 27న ప్రపంచవ్యాప్తంగా విడుదల కానున్న ‘L2E: ఎంపురాన్’ మలయాళ సినీ చరిత్రలో ఐమ్యాక్స్ ఫార్మాట్‌లో విడుదలైన తొలి చిత్రంగా నిలవనుంది.

ట్రైలర్ విడుదలైనప్పటి నుంచి సినిమాపై అంచనాలు అమాంతంగా పెరిగిపోయాయి. స్టీఫెన్ నెడుంపల్లి పాత్రలో మోహన్‌లాల్ మళ్లీ దుమ్మురేపనుండగా, ఈ భారీ యాక్షన్-పాలిటికల్ థ్రిల్లర్ ప్రేక్షకులకు విపరీతమైన అనుభూతిని అందించనుందని చిత్రబృందం తెలిపింది.