డైలీ మిర్రర్ డాట్ న్యూస్,బెంగళూరు, మార్చి 12, 2026: భారత హెల్త్‌కేర్ రంగంలో మరో భారీ విలీనం తుది దశకు చేరుకుంది. ఆస్టర్ డిఎం హెల్త్‌కేర్ లిమిటెడ్ (Aster DM Healthcare), క్వాలిటీ కేర్ ఇండియా లిమిటెడ్ (QCIL)తో ప్రతిపాదించిన విలీన పథకానికి వాటాదారులు,రుణదాతల నుంచి భారీ మద్దతు లభించింది. మైనారిటీ వాటాదారుల నుంచి ఏకంగా 96.68% అనుకూల ఓటింగ్ లభించినట్లు కంపెనీ అధికారికంగా వెల్లడించింది.

నేషనల్ కంపెనీ లా ట్రిబ్యునల్ (NCLT),ఇతర చట్టబద్ధమైన అనుమతులు లభించిన వెంటనే, వచ్చే త్రైమాసికంలో ఈ విలీన ప్రక్రియ పూర్తి కానుంది.

టాప్-3 హాస్పిటల్ చైన్‌గా ఆవిర్భావం
ఈ విలీనం పూర్తయిన తర్వాత, దేశంలోని మొదటి మూడు అతిపెద్ద హాస్పిటల్ నెట్‌వర్క్‌లలో ఒకటిగా ఈ సంయుక్త సంస్థ నిలవనుంది.

దీనికి సంబంధించిన కీలక గణాంకాలు ఇలా ఉన్నాయి:

వ్యాప్తి: 9 రాష్ట్రాలు, 28 నగరాలు.

ఇదీ చదవండి..మలబార్ గ్రూప్ చైర్మన్ ఎం.పి. అహమ్మద్‌కు ప్రతిష్టాత్మక ‘బిజినెస్ భూషణ్’ పురస్కారం..

ఇదీ చదవండి..భారత్‌లో సెన్‌హైజర్, బార్కో మల్టీ-సిటీ రోడ్‌షో ప్రారంభం.

ఆసుపత్రుల సంఖ్య: 39 సూపర్ స్పెషాలిటీ హాస్పిటల్స్.

పడకల సామర్థ్యం: ప్రస్తుతం 10,625 పడకలు ఉండగా, రాబోయే కాలంలో దీనిని 14,710 పడకలకు పెంచాలని లక్ష్యంగా పెట్టుకున్నారు.

సిబ్బంది: 36,307 మందికి పైగా వైద్యులు,ఉద్యోగులు.

Read this also..Malabar Group Chairman M.P. Ahammad Receives Prestigious ‘Business Bhushan’ Award..

ఇదీ చదవండి..బీర్ బాటిల్‌లో చేప? ఆ వార్తల్లో నిజం లేదు: యునైటెడ్ బ్రూవరీస్ వివరణ..

వ్యూహాత్మక భాగస్వామ్యంపై డాక్టర్ ఆజాద్ మూపెన్ స్పందన
ఈ పరిణామంపై ఆస్టర్ డిఎం హెల్త్‌కేర్ వ్యవస్థాపక ఛైర్మన్ డాక్టర్ ఆజాద్ మూపెన్ మాట్లాడుతూ.. “వాటాదారుల బలమైన మద్దతు మా వ్యూహాత్మక నిర్ణయంపై వారికి ఉన్న నమ్మకాన్ని ప్రతిబింబిస్తుంది.

బ్లాక్‌స్టోన్ (Blackstone) సంస్థాగత బలం, ఆస్టర్ వైద్య నైపుణ్యం కలవడం వల్ల రోగులకు మరింత నాణ్యమైన సేవలు అందుతాయి. భారతదేశంలో అగ్రగామి ఇంటిగ్రేటెడ్ హెల్త్‌కేర్ నెట్‌వర్క్‌ను నిర్మించడమే మా లక్ష్యం,” అని పేర్కొన్నారు.

భారీ విస్తరణ ప్రణాళికలు.. రూ. 2,300 కోట్ల పెట్టుబడి
విలీనం తర్వాత ఆస్టర్ తన సామర్థ్యాన్ని గణనీయంగా పెంచుకోనుంది. ఇందుకోసం సుమారు రూ. 2,300 కోట్ల మూలధన వ్యయాన్ని (CapEx) కేటాయించింది.

బెంగళూరు: సర్జాపూర్ రోడ్‌లో 430 పడకలు, యశ్వంత్‌పూర్‌లో 500 పడకల సామర్థ్యంతో కొత్త ఆసుపత్రులు రానున్నాయి.

కేరళ: ఆస్టర్ కాసరగోడ్ ఆసుపత్రి (263 పడకలు) ఇప్పటికే ప్రారంభం కాగా, త్రివేండ్రంలో ఆస్టర్ క్యాపిటల్ హాస్పిటల్ (454 పడకలు) అభివృద్ధి దశలో ఉంది.

తెలుగు రాష్ట్రాలు: హైదరాబాద్‌లో 300 పడకలతో మహిళలు & పిల్లల ఆసుపత్రి, ఒంగోలులోని ఆస్టర్ రమేష్ ఆసుపత్రిలో అదనంగా 75 పడకల విస్తరణ జరగనుంది.

ఈ మెగా విలీనం ద్వారా అత్యాధునిక వైద్య సేవలు సామాన్యులకు మరింత చేరువ కావడమే కాకుండా, ఆరోగ్య రంగంలో నూతన ఆవిష్కరణలకు మార్గం సుగమం కానుంది.