డైలీ మిర్రర్ డాట్ న్యూస్,న్యూఢిల్లీ, 26 నవంబర్ ,2025: భారతదేశంలో పాల వినియోగంలో దక్షిణ రాష్ట్రాలు ఆధిపత్యం కొనసాగిస్తున్నాయని గోద్రేజ్ జెర్సీ విడుదల చేసిన ‘ఇండియా లాక్టోగ్రాఫ్ FY25-26’ అధ్యయనం స్పష్టం చేసింది. దేశవ్యాప్తంగా పాలు, పాల ఉత్పత్తుల వినియోగంలో దక్షిణ భారత రాష్ట్రాలు సుమారు 80 శాతం వాటా కలిగి ఉన్నట్లు నివేదిక వెల్లడించింది.

దేశంలోని ఎనిమిది ప్రధాన నగరాల్లో నిర్వహించిన ఈ సర్వే ప్రకారం, దక్షిణాది ప్రజలు పాలను కేవలం టీ-కాఫీకే పరిమితం చేయకుండా రోజువారీ జీవితంలో అన్ని సందర్భాల్లోనూ వినియోగిస్తున్నారు. ముఖ్యంగా ఫ్లేవర్డ్ మిల్క్ వినియోగంలో దక్షిణ భారత్ దేశంలోనే అగ్రస్థానంలో నిలిచింది.

ముఖ్య అంశాలు:

  • 48 శాతం దక్షిణాది ప్రజలు తరచూ ఫ్లేవర్డ్ మిల్క్ తాగుతున్నారు.
  • 50 శాతం మంది అప్పుడప్పుడు ఫ్లేవర్డ్ మిల్క్ సేవిస్తున్నారు.
  • 67 శాతం మంది ఉదయం అల్పాహారంతో పాలు తాగుతున్నారు.
  • 54 శాతం మంది సాయంత్రం స్నాక్‌గా పాలు లేదా పాల ఉత్పత్తులు తీసుకుంటున్నారు.
  • 41 శాతం మంది ఏడాది పొడవునా ఫ్లేవర్డ్ మిల్క్ తాగుతున్నట్లు తెలిపారు (ఇతర ప్రాంతాల కంటే ఎక్కువ).

బాదం పాలు, రోజ్ మిల్క్ వంటి ఫ్లేవర్డ్ వేరియంట్లు ఇక పండుగలు, ప్రత్యేక సందర్భాలకు మాత్రమే పరిమితం కాకుండా రోజువారీ ఆహారంలో భాగమైపోయాయి.

జాతీయ స్థాయిలో తల్లిదండ్రుల ఆందోళన

  • 54 శాతం తల్లిదండ్రులు తమ పిల్లల పెరుగుదల తమ బాల్యంతో పోలిస్తే వెనుకబడి ఉందని ఆందోళన వ్యక్తం చేశారు.
  • 64 శాతం మంది పాలు తక్కువ తాగడం వల్ల పిల్లల ఎముకల బలం తగ్గుతుందని భయపడుతున్నారు.
  • 62 శాతం తల్లిదండ్రులు ప్రోటీన్, రోజంతా శక్తి కోసం పాలపై ఆధారపడుతున్నారు.

సాంప్రదాయం vs ఆధునికత

  • ఇప్పటికీ 67 శాతం భారతీయులు టీ/కాఫీ ద్వారానే పాలను ఎక్కువగా తాగుతున్నారు.
  • అదే సమయంలో 44 శాతం మంది ఫిట్‌నెస్ కోసం ప్రోటీన్ షేక్స్‌లో పాలను వాడుతున్నారు.

పాల ఉత్పత్తుల వినియోగంలో కూడా దక్షిణాది ముందంజలో ఉంది. దేశవ్యాప్తంగా 80 శాతం గృహాల్లో పెరుగు, 76 శాతం గృహాల్లో పన్నీర్, 74 శాతం గృహాల్లో వెన్న రోజువారీ భోజనంలో భాగమవుతున్నాయి.

జాతీయ పాల దినోత్సవం: శ్వేత విప్లవం తర్వాత… ఇప్పుడు పోషకాహార విప్లవం దిశగా దూసుకెళ్తున్న భారత్..

గోద్రేజ్ జెర్సీ మార్కెటింగ్ హెడ్ శాంతను రాజ్ మాట్లాడుతూ, “పాల వినియోగం మారలేదు… మారింది వినియోగించే తీరు మాత్రమే. సాంప్రదాయ టీ-కాఫీతో పాటు ఆధునిక ఫిట్‌నెస్ షేక్స్ వరకు పాలు విస్తరిస్తున్నాయి. గోద్రేజ్ జెర్సీగా మా బాధ్యత – రుచి, సౌలభ్యం, పోషకాహారం మధ్య ఎంచుకోవాల్సిన అవసరం లేకుండా చూడటం” అని అన్నారు.

ఈ అధ్యయనంతో గోద్రేజ్ జెర్సీ మరింత నాణ్యమైన, ఆధునిక జీవనశైలికి అనుగుణమైన పాల ఉత్పత్తులను అందించే దిశగా అడుగులు వేస్తోందని స్పష్టమవుతోంది.