editor daily mirror
డైలీ మిర్రర్ డాట్ న్యూస్, హైద‌రాబాద్, డిసెంబ‌ర్ 5, 2024: నాలుగు దశాబ్దాలుగా స‌మాజ‌సేవలో చురుకుగా నిమ‌గ్న‌మైన మహిళా దక్షత సమితి విద్యాసంస్థ‌ల‌ను తెలంగాణ రాష్ట్ర గవర్నర్ జిష్ణుదేవ్ వ‌ర్మ బుధ‌వారం సంద‌ర్శించారు.
మహిళలకు ఉన్న‌త విద్య ప్ర‌త్యేకంగా అందించ‌డం, వారిని సామాజికంగా సాధికారంగా మార్చ‌డం అనే ప్ర‌ధాన ల‌క్ష్యంతో స్థాపించిన ఈ సంస్థలు, ఆ ప్రాంతంలో మహిళల విద్య, ఆత్మవిశ్వాసం పెంపొందించడంలో మరిన్ని సేవ‌లు అందిస్తున్నారు.
ఈ కార్య‌క్ర‌మంలో ఎంబీజీ గ్రూప్ ఛైర్మ‌న్ బిజ‌య్ మంధాని, రిటైర్డ్ ఐఏఎస్ అధికారి వినోద్ కె. అగ‌ర్వాల్‌, పారిశ్రామిక‌వేత్త ప్ర‌కాష్ గోయెంకా, గూగుల్ మ్యాప్స్ సీనియ‌ర్ ప్రోగ్రాం మేనేజ‌ర్ విజ‌య్ కుమార‌స్వామి, ఎండీఎస్ సెక్ర‌ట‌రీ అరుణా మ‌లానీ, జ‌యా బ‌హేతి, రాజ్ జైన్ తదితరులు పాల్గొన్నారు.
విద్యలో ప్రతిభ చూపిన ఐదుగురు విద్యార్థుల‌కు గవర్నర్ జిష్ణుదేవ్ వ‌ర్మ చేతుల మీదుగా మెమెంటోలు బ‌హూక‌రించారు.
అవి: కె. సాయి స‌త్య‌వేణి – బీఐఈ 2024 మార్చిలో రాష్ట్రం ర్యాంకులో రెండవ స్థానం.
శృతి – డిగ్రీ ఫైన‌లియ‌ర్‌లో మొద‌టి స్థానంలో నిలిచిన విద్యార్థిని.
అలేయమ్మ సారా – బీఎస్సీ న‌ర్సింగ్‌లో మొద‌టిస్థానం సాధించిన విద్యార్థిని.
బి. నీహారిక మరియు జి. మాధ‌వి – జాతీయ స్థాయి యోగా పోటీల్లో పాల్గొన్న విద్యార్థినులు.
ఈ సందర్భంగా తెలంగాణ గవర్నర్ జిష్ణు దేవ్ వ‌ర్మ మాట్లాడుతూ, “మహిళా దక్షత సమితి (ఎండీఎస్) గ్రామీణ, ఆర్థికంగా వెనుక‌బ‌డి ఉన్న బాలికల జీవితాలపై గ‌ణనీయ‌మైన ప్రభావాన్ని చూపించింది. స‌మగ్ర అభివృద్ధి ద్వారా ఈ సంస్థ వారికి సాధికార‌త కల్పిస్తుంది.
డాక్టర్ సరోజ్ బ‌జాజ్ నేతృత్వంలో ఎండీఎస్ అనాథలు, ఒంటరి తల్లిదండ్రుల కుమార్తెలు, దినసరి వేతన జీవుల పిల్లలకు కాఫీ అవకాశాలు ఇచ్చి వారిని పునరుద్ధరించింది.
సుమన్ నిలయం హాస్ట‌ల్,ఇతర విద్యా సంస్థల మాదిరి కార్యక్రమాలు ఆత్మవిశ్వాసం, స్థితిస్థాపకత, స్వావలంబనను పెంపొందించడానికి ఉపయోగపడుతున్నాయి.
స్వామి వివేకానంద జ్ఞానాన్ని పరిగణనలోకి తీసుకుని, ఈ ప్రయత్నాలు మ‌న సమాజంలో మహిళల స్థితిగతుల‌ను మెరుగుపర్చడానికి కొనసాగుతున్నాయి” అన్నారు.
అనంత‌రం, “ఈ యువతులు తమ కలలను సాధించడంలో, నూతన నిర్మ‌లా గోయెంకా గ‌ర‌ల్స్ హాస్ట‌ల్ మరింత సహాయపడుతుంది. మ‌హాత్మా గాంధీ చెప్పిన మాటలు – ‘ఒక మ‌హిళ‌ను చ‌దివిస్తే, మొత్తం కుటుంబాన్ని చ‌దివినట్లే’ అని ఎండీఎస్ ఈ వాస్తవాన్ని పాటిస్తున్నది.
మహిళల సాధికార‌త అన్ని సామాజిక రంగాలలో ప్రధానమైన అంచనాలు సృష్టిస్తుంది, కాబట్టి ఎండీఎస్ కి మ‌నం అభినందనలు తెల‌పాలి” అని తెలిపారు.
ఈ సందర్భంగా, మహిళా దక్షత సమితి విద్యా సంస్థల ప్రెసిడెంట్ డాక్టర్ సరోజ్ బ‌జాజ్ మాట్లాడుతూ, “మహిళా దక్షత స‌మితిలో, మా దృష్టి ఎప్పుడూ చ‌దువు ద్వారా మహిళలకు సాధికార‌త కల్పించ‌డం.
వారిని నాయకత్వంలో నిల‌బెట్టి, సమాజానికి దోహదం చేయ‌డానికి తలుపులు తెరవ‌డం. మేము నాలుగు దశాబ్దాలుగా ప్రతిభ చూపే ప్రతి అమ్మాయికి అవకాశాలు ఇవ్వ‌డం ద్వారా, వారి కలలను సాకారం చేసుకునే వాతావరణాన్ని సృష్టించ‌డం” అన్నారు.
మహిళా దక్షత సమితి ప్రెసిడెంట్ డాక్టర్ సరోజ్ బ‌జాజ్ 1992 నుండి బాలికల సాధికారతకు అంకితమై ఉన్నాయి. ఆమె అవిశ్రాంతంగా కృషి చేస్తూ, యువతులు వ్యక్తిగతంగా, వృత్తిపరంగా విజయం సాధించే అవకాశాలను అందిస్తున్నారు.
